केवायसी चुकलेल्या बहिणींना दिलासा; अंगणवाडीताई करणार प्रत्यक्ष पडताळणी

धुळे  जिल्ह्यात तब्बल ५१ हजार ८४८ महिलांच्या अर्जांमध्ये अनेक तांत्रिक अडचणी; आता त्यांची पडताळणी होणार..

धुळे : मुख्यमंत्री माझी लाडकी बहिण योजना अंतर्गत लाभार्थी महिलांच्या अर्जांची छाननी सुरू असून जिल्ह्यात तब्बल ५१ हजार ८४८ महिलांचे अर्ज विविध तांत्रिक कारणांमुळे त्रुटीग्रस्त ठरले आहेत. केवायसी, आधार लिंक, बँक खाते आदी कारणांमुळे या अर्जांवर आक्षेप नोंदविण्यात आले होते. मात्र आता अशा महिलांना मोठा दिलासा मिळणार असून अंगणवाडी सेविका प्रत्यक्ष भेट देऊन पडताळणी करणार आहेत.

जिल्ह्यात ५० हजारांहून अधिक महिलांना या योजनेचा लाभ मिळाला असून उर्वरित अर्जांमध्ये तांत्रिक अडचणी आढळून आल्या आहेत. या अडचणी दूर करून पात्र महिलांना लाभ मिळावा यासाठी जिल्हा प्रशासनाने विशेष मोहीम हाती घेतली आहे.

अंगणवाडी सेविका प्रत्यक्ष पडताळणी करणार

१) ज्या महिलांचे आधार-सेवा केंद्र किंवा बँक खात्याशी केवायसी पूर्ण नसल्यामुळे अर्ज बाद झाले आहेत, अशा महिलांच्या घरी अंगणवाडी सेविका भेट देणार आहेत. प्रत्यक्ष कागदपत्रांची तपासणी करून अर्जातील त्रुटी दूर केल्या जाणार आहेत.

२) केवायसी, ई-केवायसी, आधार लिंक, बँक खाते पडताळणी, मोबाईल क्रमांक, नावातील तफावत अशा कारणांमुळे अनेक अर्ज अपात्र ठरले होते. ही सर्व माहिती प्रत्यक्ष तपासून दुरुस्त केली जाणार आहे.

३) जिल्हास्तरावर यासाठी विशेष नियोजन करण्यात आले असून पात्र महिलांना योजनेचा लाभ मिळावा यासाठी प्रशासन प्रयत्नशील आहे.

प्रश्न सुटण्यास आला होता मोठा अडथळा

केवायसीसह आधार प्रमाणीकरण, बँक खात्याची पडताळणी, तांत्रिक त्रुटी यामुळे अनेक महिलांना लाभ मिळण्यात अडथळे येत होते. अनेकदा नेटवर्क, ओटीपी न मिळणे, आधार मोबाईल लिंक नसणे अशा समस्यांमुळे अर्ज रखडले होते.

पात्र महिलांना जि. प. मतगणना कशी?

जिल्हा परिषद महिला व बालविकास विभागाच्या माध्यमातून या सर्व अर्जांची नव्याने पडताळणी करण्यात येणार आहे. अंगणवाडी सेविकांमार्फत प्रत्यक्ष तपासणी करून अहवाल सादर केला जाणार आहे. त्यानंतर पात्र महिलांना लवकरच लाभ दिला जाणार असल्याचे प्रशासनाकडून सांगण्यात आले आहे.

धुळे जिल्ह्यात तब्बल ५१,८४८ अर्जांमध्ये त्रुटी आढळल्या होत्या; त्यांची पडताळणी अंगणवाडी सेविकांमार्फत होणार . पात्र महिलांना योजनेचा लाभ देण्यासाठी विशेष मोहीम राबविली जाणार आहे.

-राजेंद्र भोसले, महिला व बालविकास अधिकारी, धुळे