नंदुरबार जिल्हा परिषद मुख्यालयात भारतरत्न डॉ. बाबासाहेब आंबेडकर यांना विनम्र अभिवादन........

 नंदुरबार: भारतीय राज्यघटनेचे शिल्पकार, भारतरत्न डॉ. बाबासाहेब आंबेडकर यांच्या १३५ व्या जयंतीनिमित्त आज, मंगळवार दि. १४ एप्रिल २०२६ रोजी नंदुरबार जिल्हा परिषद मुख्यालय येथे मोठ्या उत्साहात आणि आदराने जयंती कार्यक्रम साजरा करण्यात आला.

सकाळी ठीक ११:०० वाजता जिल्हा परिषद परिसरात डॉ. बाबासाहेब आंबेडकर यांच्या प्रतिमेस पुष्पहार व फुले अर्पण करून विनम्र अभिवादन करण्यात आले. 

प्रमुख उपस्थिती:

या कार्यक्रमाला जिल्हा परिषदेचे मुख्य कार्यकारी अधिकारी मा. श्री. चंद्रकांत पवार यांची प्रमुख उपस्थिती होती. त्यांच्यासोबत जिल्हा परिषदेतील विविध विभागांचे वरिष्ठ अधिकारी उपस्थित होते, ज्यात प्रामुख्याने:

• श्री. अजय पाटील (कार्यकारी अभियंता, ग्रामीण पाणी पुरवठा विभाग)

• श्रीम. वंदना वळवी (उपशिक्षणाधिकारी, प्राथमिक)

• श्री. वसईकर (लेखाधिकारी)

• श्री. एस. पी. जाधव (सहाय्यक प्रशासन अधिकारी)

• श्री. एम. बी. कोळी (कनिष्ठ प्रशासन अधिकारी)

• श्री. पंकज पाटील (सहाय्यक प्रशासन अधिकारी)

यांच्यासह जिल्हा परिषदेतील विविध विभागांचे कर्मचारी मोठ्या संख्येने उपस्थित होते. डॉ. बाबासाहेब आंबेडकरांच्या विचारांचे स्मरण करत, त्यांच्या कार्याचा वारसा पुढे नेण्याचा संकल्प यावेळी व्यक्त करण्यात आला.