नंदुरबार जिल्हा दौऱ्यावर आमदार सत्यजीत तांबे यांची आमदार राजेशदादा पाडवी यांच्याशी सदिच्छा भेट...

नंदुरबार प्रतिनिधी-

नंदुरबार जिल्हा दौऱ्यावर असताना आमदार सत्यजीत तांबे यांनी सोमावल येथील निवासस्थानी आमदार राजेशदादा पाडवी यांची सदिच्छा भेट घेतली. या भेटीदरम्यान शहादा व तळोदा तालुक्यासह नंदुरबार जिल्ह्यातील विविध सामाजिक, शैक्षणिक तसेच विकासात्मक विषयांवर सविस्तर चर्चा करण्यात आली.

या वेळी जिल्ह्यातील पायाभूत सुविधा, ग्रामीण विकास, युवकांचे प्रश्न, शिक्षण व रोजगार निर्मिती यासह विविध मुद्द्यांवर सकारात्मक संवाद झाला. नंदुरबार जिल्ह्याच्या सर्वांगीण प्रगतीसाठी समन्वयाने कार्य करण्यावर दोन्ही आमदारांनी भर दिला.आपुलकीच्या वातावरणात पार पडलेली ही भेट जिल्ह्याच्या विकासाच्या दृष्टीने महत्त्वाची ठरली आहे.