नंदुरबार : राज्यातील शाळांचा शैक्षणिक दर्जा उंचावण्यासाठी आणि विद्यार्थ्यांच्या सर्वांगीण विकासासाठी राज्य शासनामार्फत 'मुख्यमंत्री माझी शाळा, सुंदर शाळा' (टप्पा - ३) हे महत्त्वाकांक्षी अभियान राबविण्यात येत आहे. या अभियानाच्या प्रभावी अंमलबजावणीची खातरजमा करण्यासाठी आणि शाळांच्या गुणवत्ता वाढीला चालना देण्यासाठी नंदुरबार जिल्हा परिषदेचे मुख्य कार्यकारी अधिकारी] नमन गोयल यांनी गुरुवारी, २९ जानेवारी २०२६ रोजी प्रत्यक्ष शाळांना भेटी देऊन पाहणी केली.
श्रीमती एच.जी. श्रॉफ हायस्कूलमध्ये विशेष भेट :-
या दौऱ्यादरम्यान नमन गोयल यांनी नंदुरबार शहरातील श्रीमती एच.जी. श्रॉफ हायस्कूल येथे अचानक मुल्यांकन सुरु असतांना भेट दिली. यावेळी त्यांनी शाळेतील विविध शैक्षणिक उपक्रम, स्वच्छता, भौतिक सुविधा आणि नाविन्यपूर्ण प्रयोगांची बारकाईने पाहणी केली.
भेटीचे मुख्य मुद्दे:
• गुणवत्ता वाढ: विद्यार्थ्यांच्या शैक्षणिक प्रगतीचा आढावा घेऊन शिक्षकांशी संवाद साधला.
• शाळा परिसर: अभियानांतर्गत शाळेने केलेले सुशोभीकरण आणि स्वच्छता पाहणी
• विद्यार्थी सहभाग: शाळा सुंदर करण्यामध्ये विद्यार्थ्यांचा सहभाग कसा वाढवता येईल, याबाबत मार्गदर्शन केले.
प्रशासनाचा मानस
या अभियानांतर्गत जिल्ह्यातील सर्व व्यवस्थापनाच्या आणि सर्व माध्यमांच्या शाळांमध्ये निकोप स्पर्धेचे वातावरण निर्माण व्हावे, हा प्रशासनाचा उद्देश आहे. "शाळा केवळ इमारती नसून ती संस्कार केंद्रे आहेत, त्यामुळे प्रत्येक शाळा सुंदर आणि दर्जेदार असायला हवी," असे मत यावेळी नमन गोयल यांनी व्यक्त केले.याप्रसंगी शाळेचे मुख्याध्यापक, शिक्षक आणि शिक्षण विभागाचे अधिकारी उपस्थित होते. या भेटीमुळे जिल्ह्यातील इतर शाळांमध्येही अभियानाबाबत नवा उत्साह संचारला आहे.
Post a Comment
0 Comments